الف بحبك

الف بحبك

لما قفلت السكه معاكى
كان جوايا كلام وكلام
عاوز اقولك ميت بهواكى
عاوز احكى احلى غرام

لكن مش عارف انا ليه
ماقدرتش وياكى احكيه
يمكن صوتك بيخلينى
امحى كيانى واسرح فيه


هو انا اصلا ماحاولتش؟
ولا حاولت وماقدرتش

ولا انا خوفت؟؟ولا ضعفت

ولا انا ايه
مش عارف ليه

يبقى مالينى شوق العالم
يبقى بحالى الله العالم

لكن مش عارف اتكلم
بسمعلك وان بس مسلم
عاوز مره اجمد قلبى
واقولك من غير ما اخبى
عاوز اقتل مره سكوتى
واقولهالك مره بصوتى
انى بحبك
الف بحبك
خلصنا كلامنا وانا تايه

سرحان ف سكوتك وف همسك
حاسك لمسك
لكن ساكت
وبنقفل وبقولك ياللا
خلى بالك بقى من نفسك


واتقفل الخط
واحترت
ليه الكلمه السهله محاله
ليه مش قادر اقولها بحبك
انا هكتب دلوقت رساله
وابعت كل غرامى لقلبك
وبدأت اكتب ليكى كلام
احلى غرام
بس وقفت
علشان شوفت
اجمل حاجه شافتها عنيا
اسمك كان بيرن عليا

وب إحساس ولا ف الاحلام
قولتيلى مش هقدر انام
قبل ما اقولك انى بحبك
يا الله على رقة قلبك
طيب بقى
انا الف بحبك[/center][/center][center]

فى انتظار المزيد
ربنا يبركك
†

الموضوع جميل جدا معانية رائعة
جميل بجد
ربنا يعوضك